مساء الخير
النهاردة هنتعلم ازاي نعمل خريطة ذهنية
وهيا مفيدة أوي للطلاب ولأنها بتساعد ع الحفظ والتذكر وربط المعلومات نع بعضها وكمان الاختصار للمراجعة النهائية
نبدأ
ارسم صورة او شكل مركزي تعبر عن موضوع الدرس الرئيسي في نص الصفحة@
الصورة أحسن بس لو معرفتش ترسم إيه اكتب العنوان بخط ملفت وبين أقواس متعرجة وكبيرة مثلا
@ارسم الفروع متعرجة بدل المستقيمة
المستقيمة تجيبلك ملل بس المتعرجة بتنبه اكتر العين
اكتب العناوين الفرعية للدرس ع الفروع
@استخدم كلمة رئيسية واحده على كل فرع ووصل الفروع بالشكل المركزي
@ارسم فروع من كل فرع واكتب عليها كلمات تتبع الفرع الرئيسي
والخريطة مفيدة ف التصنيف في الأحياء – اه والله عن تجربة لأحسن أنا الأحياء مطلعة عيني –
وفي جغرافيا السكان والموارد
وعموما مفيدة ف المواد النظري أو المواد اللي محتاجة حفظ كتير
طيب إيه رايكو نحاول نطبق
انت دلوقتي هتذاكر المملكة الحيوانية
هتحط العنوان بشكل كبير وبلون مختلف ( المملكة الحيوانية )
وبعدين هتقسمها لفرعين كبار واحد للفقاريات والتاني للافقاريات
هترسم من اللافقاريات فروع ومتنساش تكون متعرجة وتكتب ع كل فرع اسم شعبة phylum
الإسفنجيات / اللاسعات / الديدان المفلطحة ..........
ارسم فروع من الاسفنجيات واكتب ع كل فرع وحده من الخصائص
الهضم داخلي / الهيكل داخلي / الأطوار البالغة لا تمتلك أعضاء حركة ..........
ارسم فروع من الهيكل داخلي مثلا واكتب
شوكات صلبة / ألياف عضوية غير منتظمة / أشواك وألياف معا
- بقلكو إيه اللي مش علمي ميقراش عشان ميتعقدش -
ارسم فروع من الديدان المفلطحة واكتب ع كل فرع اسم الطائفة class
التربلايا / التريماتودا / اللسستودا
- مش قلتلكو اللي مش علمي ميقراش-
ارسم فروع من طائفة التربلاريا مثلا واكتب خصائصها
أجسامها لينة / غير مقسمة .........
وهكذا
يارب تكون الفكرة وضحت
وفادتكو
ومتدعوش عليا عشان ارفتكو بالأحياء
كنت والله عايزة أحط المثال جغرافيا
بس معنديش كتاب جغرافيا
عشان أنا علمي
يلا روحو ذاكرو كويس[i]
الخميس 04 يونيو 2009, 08:19
