:::اعترافات مدير مصرى:::

اعترافات مدير مصري ذو خبرة طويلة

كل نساء العالم يتهمن أزواجهم بأنهم بيحبو الشغل أكثر منهم

وأنا اصالة عن نفسي ونيابة عن الرجال أعترف بأن هذا صحيح ...........صحيح ...... صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا ..........الشغل بيصرف عليّ .... بس أنا اللي أصرف عليها!!!

ثانيا........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك

أنما تزوغ من مراتك .. هيهات ..أنسى …..

رابعا .........في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجازه...عندك عارض واعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!

سادسا .........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ...... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه

سابعا ........الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال

ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين

في النهاية ... بتحب مين أكتر...مراتك ولا شغلك ؟؟

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

بص بقة انا كله كويس معأني ليا تعليقات كتير عليهم بس تاسعا دي حاجة تانيه بصراحة

استفزتني اوي اوي ولازم اتكلم بقة وقول لما هو بيشوف بنات كتير احلى من مراته كان لزمتها

ايه اصلا يتزوجها من البداية مكان استنا بدر البدور البيضاء ولا ست الحسن والجمال لما تطل

علية من الأساطير الوهميه ويتجوزها بدل ميتجوز وحدة مش مليه عينيه ولا مكفياه يعني

هي التفرضة على ماكله برضاه وموفقته وتلقه هو اللي من الأول كان بيجري عليها لغاية لما

حفي ورجليه ورمت من الجري وراهة علشان توافق علية وبعد كدة يكون جزتها كدة منه والله

فعلا صدق المثل اللي بيقول ... يمأمنه للرجال يمأمنه للمياه في الغربال ... لمؤخزة يعني

معلش اصل تاسعا غظتني اوي اوي ومقدرتش اعديها تقبل مروري وتعليقي

ههههههههههههههه طيب

اسعدنى مرورك...بأمر الحب

دمتى بخير...

واد يا كريم
عسل والله
وتاسعا دى بقى جميله
لان بامر الحب منحازه لبنات جنسها
متعرفش ان دايما الموديلات الجديده
احلى واحسن
هههههههههههههههههههههه
بج موضوع دمه خفيف
وبعدين دى مواضيع طريفه للهزار والضحك
لكن النقاش الجاد له
مكان ووقت اخر
شكرا لك
ولك كل التحيه

اسعدنى مرورك يا واد يا طيفه...

ولازم نوريهم شويه ديموقراطيه...خليهم يتكلموا عادى

دمت بخير...