[c
الموضوع ده بتاع الخنازير، اعدام الخنازير لمنع وباء انفلونزا الخنازير في مصر.. الحكاية دي تاعبة ضميري، ومضايقاني، وم الآخر مستحرمة اللي هيحصل ده
انا كل اللي صعبان عليا مخلوقات ربنا دي اللي هتتعدم من غير ذنب. يعني أولا، منظمة الصحة قالت ان مصر مافيهاش لسه انفلونزا خنازير.. والمنطقي وزي ما حصل في ازمة انفلونزا الطيور، انهم كانوا بيكشفوا على كل مزرعة والمزرعة الموبوءة بيعدموا الفراخ فيها، ليه دا مايحصلش مع الخنازير؟ واللي منها مش مصاب يبقى حرام نعدمه، نقتله، نحرقه..
انا مش مضطرة أوضح اني مسلمة وعارفة ان اكل الخنازير حرام، بس كمان عارفة ان قتل/صيد الحيوانات من غير سبب حرام. والخنزير رغم اني مش بحبه "عشان شكله وحش"، ومش بحب ابص له حتى، لكن كراهيتي الطفولية دي ليه ماينفعش تعميني عن ادراك حقهم في الحياة.. طول ما هم مش مصابين ولا نيلة
ونقطة كمان، لما تكون منظمة الصحة العالمية قالت ان معندناش لسه انفلونزا خنازير، يبقى نرمي نص بليون جنيه في الارض ليه؟ نص بليون يا عااااالم يا هووو.... الحكومة اللي معاها نص بليون جنيه مش تعمل بيهم مصنع "تامي فلو" عشان انفلونزا الطيور اللي بالفعل موجودة عندنا وبتتطور؟
نهايته، الاعدام نهاية مأساوية للخنازير المصرية اللي عاشت في مزارع الزبالة طول عمرها -وزي ما بيورونا بقالهم كام يوم في التلفزيون- يعني "لا هى شافت يوم عدل ولا هتموت عشان سبب منطقي".. منك لله يا اللي في بالي!
دى كانت كلمات بنت مصرية فى مدونتها على الانترنت
لكن هل يا ترى كلامها صح؟
وهل فعلاً الخنازير دى تستحق الإعدام ولا لأ؟
هحكي لكم الموضوع من البداية وانتم أحكموا بنفسكم
البداية كانت سنة 1918م .. يعنى من أكتر من 90 سنة
فى الفترة دى كان العالم بدأ يلتقط أنفاسه من آثار الحرب العالمية التانية
لكن للأسف لم تتاح له الفرصة
حيث اجتاح العالم وباء شديد
حصد ما بين 20 - 100 مليون إنسان
تقريباً ضعف عدد اللى ماتوا فى الحرب العالمية الأولى
وكان سبب الوباء ده فيروس مرعب ..
هو فيروس الانفلونزا الأسبانية
وده هنسميه الأب الروحى لفيروس انفلونزا الخنازير
لأن الاتنين من طائفة واحدة هى انفلونزا (أ) H1N1
يا ترى إيه اللى سبب وباء الانفلونزا الأسبانية عشان نتجنبه ومش يحصل تانى؟
هقول لكم ..
الفايروس ده ظهر فى البداية زى فيروس البرد اللى بييجى لنا كلنا
وكان أعراضه بسيطة جداً
ومش كان حد بيعطيه أى اهتمام
وفجأة اتحول من قطة وديعة إلى ذئب شرس
قتل الملايين من الناس
وترك وراءه مأساة لتحكيها الأجيال
طاب إيه سبب التحول ده ؟؟؟؟
هقول لكم .. بس بعد ما أخلص كلامى
يا ريت محدش يقاطعنى
أكيد كتير منكم هيقول ده حصل وقتها بسبب التخلف الطبى
وبسبب الحرب العالمية
هقول لهم كلامكم صح بخصوص النقطة التانية
وهى إن الحرب ساهمت بشكل كبير فى نقل العدوى
بسبب الزحام الشديد فى الثكنات الحربية
وده ممكن يفسر لنا إصابات انفلونزا الخنازير اللى ظهرت فى اسرائيل مؤخراً
لكن بخصوص النقطة الأولى واللى هى التخلف الطبى
فللأسف إحنا الوقتى نعتبر متقدمين طبياً
لكن للأسف مش هنقدر نقف قدام إعصار زى ده
ليه؟؟؟؟؟؟؟؟
بسبب النقطة اللى كنتم سألتوا عنها من شوية
اللى هى ..
إيه سبب تحول فايروس الانفلونزا الأسبانية من القطة الوديعة إلى الذئب الشرس؟
الإجابة إن الفايروسات بتتميز بقدرتها الرهيبة على تغيير تركيبها
فأى أجسام مضادة بنصنعها عشان نتغلب بيها على الفايروسات دى
بتقدر الفايروسات تحور تركيبها
وبالتالى الأجسام المضادة مش بتأثر فيها
وأجسامنا أيضاً بتحتوى على أجسام مضادة
بتحمينا من ملايين الفايروسات
لكن فى فايروسات بتبدأ تحور تركيبها تحوير بسيط مرة بعد مرة بعد مرة
لغاية ما توصل لمرحلة ..
تحور تركيبها تحوير كبير
يقدر يتغلب على أى جسم مضاد
سواء مصدره داخل الجسم أو خارج الجسم
والتحوير ده هو سبب تحويله إلى الذئب الشرس
عشان كده لو مش اتعاملنا مع خطر انفلونزا الخنازير بقوة وحزم
ممكن نصحى فى أى وقت
لنفاجأ بملايين الوفيات بسبب هذا الوباء
وطريقة العدوى أكيد كلنا عارفينها
لأنها مشابهة لطريقة العدوى الخاصة بانفلونزا الطيور
وهى إن العدوى بتنتقل للإنسان عند الاتصال بالخنازير المصابة
وممكن تتنقل من إنسان لخنزير ..
أو من إنسان لإنسان
وده اللى خلى منظمة الصحة العالمية تطلق ناقوس الخطر
وتستعد لمواجهة وباء عالمى جديد
ودى مش أول مرة يظهر فيها فايروس الانفلونزا المشترك بين الناس والخنازير
لكن كان فى حالات ظهرت سنة 1974 وسنة 1988
وأخيراً 2009
لكن اشمعنى 2009 بالذات؟؟؟؟؟؟
بيعتقد العلماء إننا (بنى البشر) عدينا أحد الخنازير العجوزة بفايروس ..
وبعض الطيور المصابة بانفلونزا الطيور (وباء 2008) عدت نفس الخنزير بفايروس ..
والفايروسين تبادلوا جيناتهم
لينتجوا سلالة جديدة تصيب الإنسان وتقوم بقتله
بدأت مأساة 2009 فى المكسيك
تحديداً فى شهر فبراير
مجموعة من الأشخاص أصيبوا بمرض تنفسى حاد غير معروف
وكانت أول حالة اتأكدنا من إصابتها بالفايروس ده
طفل لم يتجاوز الرابعة من عمره
اسمه أدغار هيرناندز
وحتى يومنا هذا ..
تم الاشتباه فى آلاف الحالات
وتم تأكيد إصابة 615 شخص بانفلونزا الخنازير
وتم إغلاق قرابة 100 مدرسة فى الولايات المتحدة الأمريكية
بسبب التأكد من ظهور حالات أو الاشتباه فيها
والحكومة البريطانية جهزت 350 مليون قناع للعاملين بالشئون الصحية
وظهر الفايروس فى أكتر من 15 دولة
وقررت الحكومة المصرية إعدام نحو 400 ألف خنزير
لكن هل يا ترى إغلاق المدارس ولبس الأقنعة وإعدام الخنازير كافى للقضاء على الوباء؟
الإجابة بالتأكيد لأ
مش بقول كده عشان أيأسكم
لكن لازم نعرف حجم الخطر عشان نقدر نواجهه
إغلاق المدارس ممكن يمنع الوباء فى المدرسة
لكن مش له أى دخل بمنع الوباء خارجها
ولبس الأقنعة لازم يكون بطريقة محكمة ومستمرة
وإلا مش هيبقى له أى فايدة
واعتقد إن مستحيل إن حد مننا يلبس قناع فى الشارع
وإعدام الخنازير على الرغم صعوبته
إلا إنه هيحد من خطر انتشار الوباء بشكل كبير
لكن برده مش هيقضى عليه
لأنه بينتقل من شخص لشخص أيضاً
نيجى بقى لأهم نقطة
إزاى أعرف إنى أصبت بأنفلونزا الخنازير
عشان أتوجه بسرعة لأقرب مستشفى أو وحدة صحية أو عيادة؟
أعراض إنفلونزا الخنازير زى الأعراض الناتجة عن الإنفلونزا الموسمية المعروفة.
واللى بتشمل حمى وكحة والتهاب في الحلق وآلام في الجسم وصداع ورعشات وإرهاق وفقدان الشهية.
وبعض الناس بيصابوا بالإسهال والقيء.
يا جماعة بلاش نظرة الخوف اللى فى عينيكم دى
إحنا فى خطر ولازم نواجهه بكل شجاعة
لو ظهرت عندك الأعراض دى وانت فى مكان موجود فيه الوباء أو كنت مسافر لأحد أماكن الوباء زى المكسيك
لازم تستشير الطبيب فوراً
واسمح لى أصحح لك خطأ كبير كنت هتقع فيه
وهو إنك تروح المستشفى أو الوحدة الصحية أو العيادة
وده ممكن يسبب خطر كبير على كل المرضى
الحل المناسب إنك تستدعى الطبيب للكشف عليك فى المنزل
أكيد كلكم بتسألوا نفسكم الوقتى
إحنا فى إيدينا إيه نعمله عشان نقضى على الوباء ده؟
لما تكح أو تعطس .. لازم تبقى بعيد عن الناس .. وتستخدم منديل ورقى لتغطية أنفك وفمك .. وترميه بعدها على طول
واغسل إيدك قبل الأكل وبعده وقبل التعامل مع الحيوانات وبعده
وتجنب الاقتراب من مزارع الخنازير
وتجنب الاقتراب مع المرضى خصوصاً اللى عندهم حمى وكحة
وإذا كنت مضطر للتعامل معاهم .. لازم تلبس قناع .. ولازم تسأل الدكتور عن طريقة استخدامه
وإذا ظهرت لك أى أعراض برد أو انفلونزا .. حاول بقدر الإمكان مش تخرج من البيت
طاب يا ترى لو أصبت بانفلونزا الخنازير (بعد الشر يعنى) ..
هل ممكن أتعالج؟
الإجابة .. آه .. الحمد لله
السلطات الأمريكية بترشح علاجين ممكن نستخدمهم:
تاميفلو Tamiflu و ريلينز Relenza
والسلطات الإنجليزية بدأت تجهز مخزون ليها من التاميفلو Tamiflu
بس للأسف مش ليهم تأثير غير لو أخدناهم فى المراحل الأولى من الإصابة بس
لكن يا جماعة الأدوية دى لازم تتاخد بإرشاد الطبيب
النقطة دى مهمة جداً جداً جداً
خاصة الوقتى
لأن لو كلنا أخدناها للوقاية
ممكن الفايروسات تحور تركيبها
وتظهر لنا سلالة جديدة مش نعرف لها أى علاج
وممكن تكون أكثر خطورة من اللى موجودة الوقتى
وطالما سألتم عن العلاج
هكلمكم عن المصل Vaccine ..
عشان لو حد سألكم
للأسف .. الاحتمال الغالب إن مصل الانفلونزا الموجود الوقتى
مش له أى دور فى حمايتنا من انفلونزا الخنازير
والمصل اللى استخدمه العلماء فى الولايات المتحدة للوقاية من الوباء اللى حصل سنة 1976
كان له أعراض جانبية خطيرة
وسبب حالات وفاة أكتر من اللى سببها الفايروس نفسه
وجارى العمل الوقتى على مصل جديد
لكن للأسف الأمر ده ممكن يستغرق شهور
ولو تابعنا تطور المأساة فى اليومين اللى فاتوا
هنلاحظ حاجة غريبة
إن الفايروس قتل أشخاص كتير فى المكسيك
لكن سبب إصابات متوسطة فى الولايات المتحدة الأمريكية
يا ترى إيه السبب؟
العلماء وضعوا نظرية .. ممكن تصيبنا بالرعب
وهى إن الفايروس بدأ الانتشار فى المكسيك من فترة طويلة وعلى نطاق واسع
واحتمال إن تبقى فى المكسيك عدد كبير جداً من الإصابات
إذا حسبنا عدد اللى ماتوا بالنسبة له
هنلاقيها نسبة صغيرة جداً
وده للأسف مؤشر مخيف لاحتمال ظهور وفيات بصورة أشد فى الولايات المتحدة وباقى الدول اللى ظهرت فيها الإصابةolor=red][/color]
السبت 02 مايو 2009, 03:14
